𝗔𝗺𝘀𝗮𝗿 𝘁𝗮𝗺𝗯𝗮𝘆𝗮𝗿: 𝗦𝗵𝗶𝗻 𝗺𝗲𝗻𝗲𝗻𝗲 𝗱𝗮𝗹𝗶𝗹𝗶𝗻 𝗱𝗮 𝘆𝗮𝘀𝗮 𝗺𝘂𝘁𝗮𝗻𝗲 𝗸𝗲 𝘁𝘀𝗼𝗿𝗼𝗻 𝘀𝗮𝗯𝘂𝘄𝗮𝗿 𝗱𝗼𝗸𝗮𝗿 𝗵𝗮𝗿𝗮𝗷𝗶?

𝗔𝗺𝘀𝗮𝗿 𝘁𝗮𝗺𝗯𝗮𝘆𝗮𝗿: 𝗦𝗵𝗶𝗻 𝗺𝗲𝗻𝗲𝗻𝗲 𝗱𝗮𝗹𝗶𝗹𝗶𝗻 𝗱𝗮 𝘆𝗮𝘀𝗮 𝗺𝘂𝘁𝗮𝗻𝗲 𝗸𝗲 𝘁𝘀𝗼𝗿𝗼𝗻 𝘀𝗮𝗯𝘂𝘄𝗮𝗿 𝗱𝗼𝗸𝗮𝗿 𝗵𝗮𝗿𝗮𝗷𝗶? Daga Tijjani Ahmad

Bayan nazarin ra’ayoyin mutane sama da 200 da suka bayar a wannan shafi, abu ya fito fili karara: ba dokar haraji ce ake tsoro kai tsaye ba, amma abin da mutane ke tsoro shi ne yadda ake tafiyar da ita da kuma wanda ke tafiyar da ita.

𝗔𝗯𝘂𝗯𝘂𝘄𝗮 𝗴𝘂𝗱𝗮 𝘀𝗵𝗶𝗱𝗮 𝗻𝗲 𝘀𝘂𝗸𝗮 𝗳𝗶 𝗳𝗶𝘁𝗼𝘄𝗮:

1️⃣ Rashin amincewa da gwamnati
Mutane da yawa sun yi imani cewa kudin haraji ba zai koma ga jama’a ba, sai dai a karkatar da shi. Ana yawan jin kalmomi irin su “𝒛𝒂 𝒂 𝒔𝒂𝒄𝒆 𝒌𝒖𝒅𝒊𝒏”, “𝒎𝒐𝒏𝒌𝒆𝒚 𝒅𝒆𝒚 𝒘𝒐𝒓𝒌, 𝒃𝒂𝒃𝒐𝒐𝒏 𝒅𝒆𝒚 𝒄𝒉𝒐𝒑”.

2️⃣ Rashin cikakken bayani da wayar da kai
Wasu da dama sun amsa cewa basu fahimci dokar ba. Abin da suka sani jita-jita ne, bidiyo ko tsoratarwa daga wasu da su kansu ma basu fahimci dokar sosai ba.

3️⃣ Darasin cire tallafin man fetur (subsidy)
Mutane sun ce an sha alkawura a baya amma ba a ga sauyi a rayuwa ba. Wannan ya sa duk wani sabon tsari ana kallonsa da ido na shakku.

4️⃣ Tsananin halin rayuwa
A lokacin da mutane ke fama da hauhawar farashi, rashin wuta, rashin tsaro da aikin yi, duk wani abu da ya shafi karin cire kudi yana kara tsoratar da su.

5️⃣ Tsoron zalunci wajen aiwatarwa (enforcement)
Wasu na tsoron haraji ba saboda biyan harajin ba, sai saboda tsoron danniya, task-force, ko amfani da bank data ta hanyar da ba ta dace ba.

6️⃣ Damuwar ‘yan kasuwa da masu kananan sana’o’i
Akwai tsoron cewa za a ciri haraji akan turnover ba akan riba ba, sannan a dora nauyin bookkeeping da tsadar compliance da zai iya kashe kasuwanci.

👉 Muhimmin sakon da wannan ra’ayi ya nuna shi ne:
Mutane ba sa kin haraji idan suna ganin adalci, gaskiya, bayani a fili, da amfanin da zai dawo gare su.

Idan ana son sabuwar dokar haraji ta yi nasara:
1. Dole a fara da bayani mai sauƙi ga jama’a,
2. A gina aminci da gaskiya,
3. A nuna inda kudin haraji ke tafiya,
4. A kuma kare talaka da ‘yan kasuwa daga zalunci.

Haraji ba shine matslarba, amma rashin amana da rashin bayani su ne manyan matsaloli.

—
Dr. Tijjani Ahmad
(Chartered Accountant | Tax & Investment Analyst)